СӰТ СЫҒАРЧАТХАННАРНЫ ПІРГЕ ТОҒЫНДЫРАРҒА
17.01.2018
Хабарлар
Хакасияның аал хонии паза ас-тамах министрі Александр Башков республиканың сӱт ас-тамаан сығарчатхан предприятиелер устағҷыларынаң тоғасхан.
Тоғазығның ӧӧн сурии отрасльны тилідерінҷе паза сӱт сығарчатханнарның пірге тоғынарын тӱзімніг идерінҷе чӧптерні кӧрері полған. Ол тоғыстың ӧӧн кӧстеглерінің пірсі паалар тӧстирі адалған. Аал хонииндағылар сӱтті тӧбін паанаң садысчатханнарына хомзынчалар. Ағаа хоза, пірее предприятиелерге сӱт чидіспин сыхча, олох туста пасхазы артығын хонҷых регионнарзар сатча.
Паза идінҷектер чарытхы ӱчӱн тарифтер пӧзік полғаны тың харығ полчатханын таныхтааннар, олар сӱт ас-тамаа паазына кӧнізінең теелчелер. Министр сӱт сығарчатханнарның пірге тоғызын чахсыландырарға чӧп пирген.
Автор :
"Хабар"
Пн | Вт | Ср | Чт | Пт | Сб | Вс |
29 | 30 | 31 | 1 | 2 | 3 | 4 |
5 | 6 | 7 | 8 | 9 | 10 | 11 |
12 | 13 | 14 | 15 | 16 | 17 | 18 |
19 | 20 | 21 | 22 | 23 | 24 | 25 |
26 | 27 | 28 | 1 | 2 | 3 | 4 |
Кӱн таңмазы
Хакасияда
Россияда
Тилекейде