Хакасияда 92 кiзi коронавирусты хаптырды
05.01.2021
Хабарлар
Хайди искiрче Хакасия правительствозының пресс-службазы, ирткен суткада республикада 269 пациент коронавирустаң имненiп, хазыхтанып алған. Iди чуғынӌах ағырығны 15 571 кiзi тобырып алған.
Халғанӌы суткада Хакасияда 92 кiзi наа чуғынӌах ағырығны хаптырып алғаны iлезiне сыххан (Ағбан - 23, Саяногорск - 5, Харатас - 10, Сорығ - 3, Алтай паза Боград аймахтары - 5-ер, Асхыс аймаа - 8 , Орджоникидзе аймаа - 4, Ағбан пилтiрi аймаа - 10, Пии аймаа - 1, Шира аймаа - 7, Таштып аймаа - 11).
Пандемия пасталғанынаң Хакасияда 18 080 кiзi COVID-19 чуғынӌах ағырығны хаптырған.
Автор :
Тимнеен Оксана Сунчугашева
Кӱн таңмазы
Хакасияда
Россияда
Тилекейде