КИСКЕКТЕҢ АРАЧЫЛАНЫҢАР
20.12.2016
Хабарлар
Хысхызын кискекнең ағырыбысханнарның саны ӧс парча. ОРВИ-ға хаптырза, кізінің тыныс органнары ағырыбысча. Кискек паза грипп кииҷ, иб аразында тузаланылчатхан ниме-ноо (ідіс-хамыс, ойнаҷахтар, тӧзек-частых паза аннаң пасхазы) пастыра тарапча.
Таныхтирға кирек, олғаннар пу ағырығларнаң удаа ағырыбысчалар. Оларның кӧбізі - школаа чӧргелек паза пасталығ класстарда ӱгренчеткен палалар. Иммунитеді уйан олғаннар хати ағырыбызарға айабастар.
Кискекке хаптырза, кізі иді ізіп сыхча. Пас ағырып, кізі иді-ханы сыстасча, чарыхсар кӧрзе, харах ағырча паза ағырығның пасха даа оңдайлары сығысча. Пу ағырығ улғаадыбысса, улам
хорғыстығ. Хазии уйан паза удаа ағырчатхан палаларның ӧкпезі ағыр сығарға айабас. Аннаңар іҷе-пабаларға сизіктіг поларға кирек: паланың идінің ізии ӱс кӱн азыра 38 градустаң тӧбін тӱспин тудылчатса, ысхап паза удаа тынчатса, иріннері паза теерізі кӧгер парза, азыранарға ынабинчатса, най уйғуланчатса, имҷіні хайди даа хығыртарға кирек.
Аны хайди имнирін имҷілер орта чоохтап пирерлер. Ит ізии 38 градустаң тӧбін полза, аны тӱзірерге маңзырабаңар, мындағ оңдайнаң кізі иді-ханы ағырығдаң тоғыр харбасча. Хайди сизіндірчелер имҷілер, кискекнең ағырыбысса, пос алынҷа имненерге чарабас, улам на паланы іди имнебеңер.
Имнен сыхханнаң ікі-ӱс кӱн ирт парза, ит ізии 38 градустаң тӧбін тӱспинчетсе, имӌіні хатап хығыртыңар. Ӱс часха читкелек паланың кӧңні кинетін алыс парған полза, ідӧк имӌілерзер айланарға кирек.
Ағырыбысхан паладаң пасхазы кискекке хаптырбас ӱчӱн, ол алынӌа поларға кирек.
Автор :
Хакасияның хазых хайраллаӌаң министерствозы
Пн | Вт | Ср | Чт | Пт | Сб | Вс |
29 | 30 | 31 | 1 | 2 | 3 | 4 |
5 | 6 | 7 | 8 | 9 | 10 | 11 |
12 | 13 | 14 | 15 | 16 | 17 | 18 |
19 | 20 | 21 | 22 | 23 | 24 | 25 |
26 | 27 | 28 | 29 | 1 | 2 | 3 |
Кӱн таңмазы
Хакасияда
Россияда
Тилекейде