РУСАЛ-ның ПОЛЫЗИИ
26.09.2017
Хабарлар
Регион пазы Виктор Зиминнің паза РУСАЛ компанияның ӧӧн директоры Владислав Соловьевтың аразында хол салылған хоза чӧптезіг хоостыра Хакасияа социальнай инвестициялар пирілді.
Ахча республикада социальнай паза экономика программаларын чуртасха киреріне пирілче: Ӱӱс аалдағы школа пӱдіриин тоозарына паза оборудование аларына, Саяногорсктағы Ай-Дайда суғ тартчаң сетьтерні пӱдірерінҷе проект-істезіг тоғыстарын толдырарына, Тӧӧ пазында спорт тимненіс кінінің ікінҷі чардығын пӱдіреріне, Палыхтығ суғда имнег туразын алыстырарынҷа проектче имнег амбулаториязын азар тоғыстарға.
- Хоза чӧптезіг хоостыра ідӧк регионға танығлығ пасха проекттерге ахча пирілер. РУСАЛ-ның регионзар социальнай инвестициялары пӱӱл ле 190 миллион салковайға тиңнелче, - чоохтаан региондағы палғалыстар департамент пӧлиинің устағҷызы Антон Савченко.
2015 чылда Хакасия правительствозы паза РУСАЛ компания 2016 - 2019 чылларда социальнай чуртаста хада-пірге тоғынардаңар чӧптес салған.
Автор :
Надежда ЦВЕТКОВА
Пн | Вт | Ср | Чт | Пт | Сб | Вс |
29 | 30 | 31 | 1 | 2 | 3 | 4 |
5 | 6 | 7 | 8 | 9 | 10 | 11 |
12 | 13 | 14 | 15 | 16 | 17 | 18 |
19 | 20 | 21 | 22 | 23 | 24 | 25 |
26 | 27 | 28 | 29 | 1 | 2 | 3 |
Кӱн таңмазы