МАЛ ТӦЛІН АЛЫСТЫРАРҒА
19.01.2018
Хабарлар
Хакасияның аал хонии паза ас-тамах министрі Александр Башков республикадағы аал хонии управлениелерінің сӱт саарынаң айғасчатхан предприятиелернің паза КФХ-ларның устағҷыларынаң хада чыылығ иртірген
Чыылығда полған на аймахта хоныхта сӱт сығарызы хайдағ полғанын паза сӱт саар кӧстегліг хоныхтарда малларны искусственнай оңдайнаң тӧл алындырар тоғыснаң хайди тузаланчатханнарын ӱзӱргеннер.
Министр республикада кӧп сӱт пирчеткен інектер чітчеткені сылтаанда сӱт саары тӧбін тӱсчеткеніне хайығ айландырған:
- Сірернің інектеріңні кем тӧллендірче? Орындағы пілдістіг нимес породалығ пуғалар. Племенной тоғысча предприятиеде кӧп сӱт пирчеткен породаларның ӱреннері пар, хайзын сірер алып алар оңдайлығзар. Салтарында сірернің інектерің кӧп сӱт пирері ле нимес, ідӧк ол сӱттің качествозы ӧзер.
Хоныхтарның паза КФХ-лар-ның устағҷыларына ідӧк Хакасиядағы паза Хызылчар крайындағы сӱт ас-тамаан сығарчатхан предприятиелернің сӱт садысчаң пааларынҷа істезігліг пічіктер пирілген. Амды сӱт саарынаң айғасчатханнарның полғаны ла кӧні палғалысха сығар, пааларны хати кӧрібізер паза сӱтті читірер чолларҷа тоғыныбызар.
Автор :
Алексей Блинов
Пн | Вт | Ср | Чт | Пт | Сб | Вс |
29 | 30 | 31 | 1 | 2 | 3 | 4 |
5 | 6 | 7 | 8 | 9 | 10 | 11 |
12 | 13 | 14 | 15 | 16 | 17 | 18 |
19 | 20 | 21 | 22 | 23 | 24 | 25 |
26 | 27 | 28 | 29 | 1 | 2 | 3 |
Кӱн таңмазы
Хакасияда
Россияда
Тилекейде