АЛЕКСАНДРА АСКАРОВАНЫҢ ЧИҢІЗІ
09.02.2018
Хабарлар
Дзюдонаң айғасчатхан 23 часха читкелек чииттер аразында Ачинск городтағы «Рекорд» ниик атлетика манежінде Сибирьдегі федеральнай округтың марии ирткен. Анда СФО-ның иң чахсы кӱресчі оол-хыстары постарының устарын сынадылар. Арға-мӧрійде 159 кӱресчі араласхан, сыйыхтығ орыннар ӱчӱн хатығ харбазығ парған.
Хакасияның піріктірілген командазына кірчеткен Александра Аскарова, Сибирьдегі федеральнай округтың мариинда аралазып, чахсы тимненіс кӧзіткен. Чир-суғҷыбыс 70 кг кӧдірімде харбасхан, прайзын хыра утып, ибзер алтын медальлығ айланған.
Амды тренер Денис Лесковтың ӱгренҷізі дзюдоҷа Россияның первенствозында аралазарға тимненче. Ол мартта Смоленск городта иртер.
Автор :
"Хабар"
Пн | Вт | Ср | Чт | Пт | Сб | Вс |
29 | 30 | 31 | 1 | 2 | 3 | 4 |
5 | 6 | 7 | 8 | 9 | 10 | 11 |
12 | 13 | 14 | 15 | 16 | 17 | 18 |
19 | 20 | 21 | 22 | 23 | 24 | 25 |
26 | 27 | 28 | 29 | 1 | 2 | 3 |
Кӱн таңмазы