СЫН НИМЕС ИСКІРІГЛЕР ТАРАДЫЛЧА
12.10.2018
Хабарлар
Ӱлгӱде. Республика пазының пресс-служба паза искіріг управление пастығы Елена Пересторонина хара тас разтерінің пірсіне аал хонии чир участогы пирілчеткеннеңер искіріг сын полбинчатханын чарыт пирген.
Хакасия ӱлгӱлерi аал хонии кӧстеглеріне кӧрілген 90 гектар чирні хара тас аныпчатхан разрезтің кирексіністеріне пирерге пӧгінчеткеннеңер хабарны пу кӱннерде пірее искіріглер агентстволары тарадып пастааннар. Хабарлар сын нимес полчатханын чарыт пирген республика пазының пресс-служба паза искіріг управление пастығы Елена Пересторонина:
- Халғанҷы кӱннерде Хакасия пазының тоғызын ӱр нимеске толдырчатхан Михаил Развожаев хай пірее алынча право акттарында хол салчатханнаңар сын нимес искіріглер тарадылчатханына урундыбыс.
Оларның піреезінде правительство чарадииның проекттерінеңер чоох парған. Піс чарыт пирерге кирек тіп санапчабыс, проекттеңер чоох парчатса, аның пір дее юридическай кӱзі чоғыл, ол ам даа алылбаан пічік. Андағ оңдайнаң анда устағҷы хол салбаан.
Чарадығлар проекттері сынында Хакасия правительствозының порталында сығарылчалар, че ол пірдеезінең палғалыстығ нимес коррупциядаң тоғыр экспертиза иртірер пӧгіннең киректелчеткен тусха сығарылча. Ол федеральнай законнарның кирексінізі. Аннаңар чарадығ проекттерінде таныхталған сурығларҷа пір дее чарадығ алылбаан. Таныхтирға кирек, пірдеезінең палғалыстығ нимес коррупциядаң тоғыр экспертиза толдырылған соонаң проектті министрлер кабинеді ӱзӱрче. Анаң на анда республика устағҷызы хол салча.
Автор :
Пазып алған Наталья Субракова
Пн | Вт | Ср | Чт | Пт | Сб | Вс |
29 | 30 | 31 | 1 | 2 | 3 | 4 |
5 | 6 | 7 | 8 | 9 | 10 | 11 |
12 | 13 | 14 | 15 | 16 | 17 | 18 |
19 | 20 | 21 | 22 | 23 | 24 | 25 |
26 | 27 | 28 | 29 | 1 | 2 | 3 |
Кӱн таңмазы