УНДУЛБАС ЧОРЫХ
27.09.2019
Хабарлар
Сағысха кирiп. Ундулбас чорыхтар сағыста хаӌанға даа халчалар. Мин мында Моол чиріндегі Ӱстӱнзархы Гобизер чӧргенібістеңер пасчам
Совет Союзы тузында Хакас автоном облазы Моол чиріндегі Ӱстӱroархы Гоби аймахнаң пик палғалыс тутчаң. Ааллас чӧріп, удаа делегацияларнаң алыс турчаң. Ол чылларда пу аймахты СССР-ның 16-ҷы республиказына даа саначаңнар.
Моолларның делегациялары пісте дее удаа пол парчаңнар. Хакасиянаң хынып паза уғаа чапсып танысчаңнар. Чоох аразында пір улуғ частығ моол апсахтаң мындағ сӧстер искем: «Сірернің хайхастығ сіліг чиріңерде ӧзекті хазап салзаң, ағас ӧс парар».
Піс полған Гоби хуу чирде наңмыр чағбин ӱс чылға чит парчаттыр. Онетін пӱдірілген хутухтар анда пір дее чох полған. Ыраххы чорыхха тибелернең сыхчалар.
Моол чирінде полған читі кӱн аразына піс кӧп орында полғабыс. Пурунғыда анда динозаврлар чуртаан полтыр. Оларның сӧӧктері Улан-Батордағы хазна музейінде хайраллалча.
Ӱр ниместе Россия президенті Владимир Путин Моол чирінде пол парған. Моол Чон Республиканың пазы Халтмаагийн Баттулганаң мыннаң мындар палғалыс тудардаңар чӧптезіг иткеннер. Аннаңар пістің чоннар аразында палғалыс хаҷан даа ӱзілбес.
Автор :
Михаил ТОРБОСТАЕВ
Пн | Вт | Ср | Чт | Пт | Сб | Вс |
29 | 30 | 31 | 1 | 2 | 3 | 4 |
5 | 6 | 7 | 8 | 9 | 10 | 11 |
12 | 13 | 14 | 15 | 16 | 17 | 18 |
19 | 20 | 21 | 22 | 23 | 24 | 25 |
26 | 27 | 28 | 29 | 1 | 2 | 3 |
Кӱн таңмазы
Хакасияда
Россияда
Тилекейде