Культура министрi - Светлана Окольникова
11.01.2021
Хабарлар
Хакасия пазы Валентин Коновалов республиканың культура министрiне Н.Ф. Катановтың адынаң хакас хазна университедiнiң искусство институдының устағӌызы Светлана Окольникованы турғызардаңар чарадығда хол салыбысхан.
- Сiрер республикадағы культураны тилiдер киректi чахсы пiлчезер. Аннаңар аны уламох пöзiк синге кöдiрерге прай кӱстерiң саларзар тiп iзенчем, - теен Валентин Коновалов наа министрнең тоғазығ тузында.
Светлана Окольникова ағаа пiди киртiнчеткен ӱчӱн республика устағӌызына iдöк улуғ алғызын читiрген.
- 2021 чыл Хакасияа уғаа танығлығ. Пу чыл Хакас кип-чооғының чылы тiп чарлал парған паза пӱӱл республика тöстелгеннең 30 чыл полча. Пуох чылда "Чир-Чайаан" эколого-этническай фестиваль иртiрiлерi кöрiлче. Пöгiнге кирiл парған мероприятиелерге пандемия харығ полбас тiп тың iзенчебiс, - теен Светлана Окольникова.
Автор :
Тимнеен Александра Карамчакова
Пн | Вт | Ср | Чт | Пт | Сб | Вс |
29 | 30 | 31 | 1 | 2 | 3 | 4 |
5 | 6 | 7 | 8 | 9 | 10 | 11 |
12 | 13 | 14 | 15 | 16 | 17 | 18 |
19 | 20 | 21 | 22 | 23 | 24 | 25 |
26 | 27 | 28 | 29 | 1 | 2 | 3 |
Кӱн таңмазы
Хакасияда
Россияда
Тилекейде