ХАКАСИЯА УЛУҒ ТУЗА АҒЫЛЧАЗАР
21.03.2017
Хабарлар
Хакасияның пазы Виктор Зимин Виктор Преловскийні пайрамнығ 80 чазынаң алғыстаан. Преловский ӱр чыллар Харатастағы механическай заводнаң, анаң «Ағбанвагонмашнаң» устаан. 2000 - 2009 чылларда - «Единство» партияның, анаң - «Единая Россияның» Хакасиядағы пӧлии полит соведiнiң кнезі. Ӧӧркі Чӧп депутады полған, амғы туста Россияның Федерация Чӧбіндегі Хакас Республиканың кізізі Евгений Серебренниковтың полысчызы полча. Істеніс Хызыл Знамя, Почет орденнерінең, «За заслуги перед Хакасией» орденнең, Хакасияның Ӧӧркі Чӧбінің Аарластығ пічиинең сыйыхтатхан. «Хакас Республиканың саблығ машиностроительі» аарластығ атха турысхан.
- Хакасияа паза аның чуртағҷыларына туза ағылып, ӱр чыллар істенгеніңер ӱчӱн улуғ алғызыбыс читірчебіс. Сірер пу чыллар аразына улуғ істеніс чолын иртібіскезер. Хайда даа тоғынзаңар - Харатастағы механическай заводта, «Ағбанвагонмашта», «Единство» паза «Единая Россия» политическай пірігістерде, Ӧӧркі Чӧпте - прай чирде Сірер иптіг, матлама паза хыйға сағыстығ кізі полчатханыңарны кӧзіткезер.
Аарлығ Виктор Николаевич, Сірернің авторитедіңер паза опыдыңар піске иң махачы сағыстарны чуртасха кирерге полысчалар. Прай чӱреемнең Сірерге паза Сірернің чағыннарыңа пик хазых, часка паза чахсы чуртас алғапчам! Ибіңерде амыр чуртас паза хыныс ла хайынзын! - чоохталча Виктор Зиминнің алғыстазында.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
27 | 28 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы