ПЕНСИЯ СИНІНЕҢЕР
11.09.2019
Хабарлар
Сурғазар - нандырчабыс.
Россияның пенсия фондының Хакасияӌа пӧлиинің специалисттері чуртағӌыларның сурығларына нандырчалар
- 2015 чылда пенсияа сыххам. Пу тусха теере тоғынғам. Пенсияма индексация иділбеен. Пӱӱл тынаға сыхсам, пенсиям нинҷе процентке хозыл парар?
- Тоғынмин сыхсаңар, сірернің пенсия прай «иртірілген» индексация ахчазына хозыл парар: 4 %-ке (2016 чылда), 5,8 %-ке (2017 чылда), 3,7 %-ке (2018 чылда), 7,05 %-ке (2019 чылда). Ахча синін пенсия фондының клиенттер службазында піліп аларға чарир. Анда паспорт киректелер.
Тоғыстаң саназыбысса, пенсия ахчазының синін піліп алар хоза оңдай пар - Россияның пенсия фондының (РПФ) сайтындағы чуртағҷының личнай кабинедінде. Андар кіріп алар ӱчӱн, хазна полызығлары порталында санға турғанда пирілген логинні паза парольны пас салыңар. Личнай кабинетте «Пенсиядаңар искірігні алып алары» сервисті таллап алыңар. Анда сірер амды алчатхан пенсияның синін паза тоғыстаң саназыбысхан соонда алар наа пенсияның синін піліп аларзар.
- Тынаға парарға тимненчем. Пӱӱл 19 октябрьда пенсияа сыхчам. Пастағы тӧлег пір ай ӱчӱн полар алай 19 числодаң сананыс парар, пенсия ахчазы октябрьның 13 кӱні ӱчӱн пирілер?
- Пенсия алар правоңар 19 октябрьдаң, аннаңар ол толдыра нимес ай ӱчӱн полар. Килер айдаң пенсия толдыразынаң пирілер. Страховой пенсия 2019 чылның 19 октябрьынаң тӧлелер ӱчӱн, пу кӱнге теере Россияның пенсия фондының орындағы пӧлиинзер айланарға кирек алай ПФР-ның сайтында личнай кабинетте, алай хазна полызығлары порталында, алай кӧп полызығ пирҷең кінзер (МФЦ) электроннай сурыныс пічиин пирерге кирек. Сурыныс пічиинең азынада, тынаға сығар правоға читіре пір ай халза, айланарға чарир.
- Ӱзінҷі паланаң декрет отпускындабын. Пір таныс ипчінің - пастағы пала. Аның чооғынаң, палаларнаң ибде одырчатхан туста мағаа даа, ағаа даа пенсияа баллар чыылча, че оларның сині пасхалалча. Мағаа кӧп арах килісче, таң. Баллар пасхалалчатса, чоохтап пиріңер нинҷее?
- 2015 чылның 1 январьынаң пенсия коэффициенттері тоғынчатхан тус ла ӱчӱн нимес саналча. «Страховой нимес» тус, хайзына пала кӧрген тус кірче, ідӧк пенсия балларынаң «паалалча». Паланы 1,5 часха теере кӧрген ӱчӱн коэффициент тиңнелче: 1,8 - пастағы паланы пір чыл кӧрген ӱчӱн; 3,6 - ікінҷі паланы пір чыл кӧрген ӱчӱн; 5,4 - ӱзінҷі алай тӧртінҷі паланы пір чыл кӧрген ӱчӱн.
Че паланаң пір чылдаң асхынах, тоғынмин, ибде одырза, баллар полған на ай ӱчӱн саналчалар, пір ай коэффициенті пір чылның 1/12 чардығына тиңнелче.
Автор :
ПФР-ның Хакасияҷа пӧлии
Пн | Вт | Ср | Чт | Пт | Сб | Вс |
24 | 25 | 26 | 27 | 28 | 29 | 1 |
2 | 3 | 4 | 5 | 6 | 7 | 8 |
9 | 10 | 11 | 12 | 13 | 14 | 15 |
16 | 17 | 18 | 19 | 20 | 21 | 22 |
23 | 24 | 25 | 26 | 27 | 28 | 29 |
30 | 31 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде