Сергей Кочан «Тӧӧ» кіннің пӱдіриинеңер
01.06.2021
Хабарлар
Хакасияның спорт министрі Сергей Кочан «Хакасия» хабарлар агенствозына «Тӧӧ» кіннің ӱзінҷі теезі пӱдіриинеңер чарыт пирген:
- Ӱзінҷі теес - ол кирек инфраструктуралығ улуғ гостиницаның пӱдірии, хайзынзар кірчелер тренажёр залы, сауна, кафе... Піс амғы гостиницада хай син кізі полчатханын істескебіс. Чылда ікі ай чарымҷа гостиница 100 % тоғынча, писче ай - чардыхти ла. Пӱӱнгі кӱнге тиксі объект чылда 35 % толдырылча. Пу объектті саналығ чылңаң спортча орын чіли ле нимес санапчабыс, ідӧк ол турист кластерінің чардығы полча.
Ідӧк «Тӧӧ» - республикадағы піріктірілген командаларның спортсменнерін тимнепчеткен кін. Пӱӱл анда пастағызын на чайғы тооза боксёрлар, кӱресчілер, дзюдоисттер поларлар. Июньнаң августха теере кін прай кӱзінең пастағызын на тоғынар. Кӧп чыл аразына пастағызын на.
Министр ідӧк Тӧӧ пазы посёлоктағы бассейнде иртірілер тыхтағдаңар чоохтаан.
- Піс аны «Тӧӧнің» холына пирібіскебіс. Ол пірге комплекс полар, хайзынзар суғҷа чӱсчеткен спортсменнер кил турарлар. Анда спорт площадказы пар, хайзында тренажёрлар турғысчалар. Татами аларбыс, бокс рингін ағыларбыс.
Піссер Россияның піріктірілген ӧмелері килзелер, анзы пасха кирек. «Тӧӧ» кіннің ӱзінңі теезінеңер чоохтаза, піс пір дее ниме алыстырбабыс, пӱдірігні ӱр нимеске тохтат салғабыс. Аннаң пасха, піске бюджеттең ахча пирілбеен, ол санда федеральнай синде, - теен Сергей Кочан.
Автор :
Тимнеен Оксана Челтыгмашева
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде