Таңда – правительство чыылии
20.09.2021
Хабарлар
Хакасия правительствозының теестегi чыылии республика пазы Валентин Коноваловтың устаанынаң таңда онлайн иртер. Чыылығ 10.00 часта РТС-тың YouTube-каналында паза республика пазының социальнай сетьтерiнде кӧнi кӧзiдiлер.
Кӱн суриина тиксi пис сурығ сығарылған. Ол санда Хакасияда социальнай чӧптезiгҷе чуға чуртапчатхан сӧбiрелерге паза чалғыс чуртағҷыларға хазнаның социальнай хабазии читiрерiнеңер чарадыға алызығлар кирiлер. Хакасияның спорт министрi Сергей Кочан «Демография» нацпроектче чуртасха кирiлчеткен «Спорт – чуртас синi» регион проектiнiң пӱӱнгi салтарларынаңар искiрер. Ӱгредiг паза наука министрi Лариса Гимазутина ортын профессия ӱгредии пiрiгiстерiнiң приемнай кампанияның пӱӱлгi салтарларын чарыдар. Чылығ пирҷең тусха тимненiс хайди парчатханын пӱдiрiг паза ЖКХ министрiнiң пастағы орынҷызы Анатолий Безлепкин искiрер. Iдӧк чайғыдағы хазых пиктеҷең кампания салтарларынаңар чоох тудар Хакасияның iстенiс паза социальнай арачыланыс министрi Владимир Чебодаев.
Автор :
Наталья Субракова
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде