САДЫҒ ПАЛҒАЛЫЗЫ ТЫЫДЫЛАР
01.10.2021
Хабарлар
Тоғазығ. Хакасия пазы Валентин Коновалов Узбекистан Республиканың Новосибирсктегі ӧӧн консулы Тимур Рахмановнаң тоғасхан. Хакасияда ол тоғыс чорығынаң полған
Тимур Рахманов позының хазназының садығ-экономика сферазындағы палғалыстарны тилідеріне кирексінізін читірген паза хада-пірге тоғынар сурығларны чахсаан ӱзӱрерге удур-тӧдір делегациялар чӧргізер чӧпнең сыххан.
- Пу тоғазығ Хакасияның паза Узбекистанның аразындағы палғалыстарны тилідеріне хабазарына ізенчем, - теен Валентин Коновалов.
Хакасия Узбекистаннаң садығ-экономика паза культура сфераларында чахсы палғалыстар тутча. Республика экспортха алюминий, ідӧк металлургия промышленнозының пасха даа товарларын ысча. Чылдаң чылға Хакасияның Узбекистан Республиканаң садығ кирее ӧзіп одырча. 2019 чылда ол 3,8 миллион долларға тиңнелген, 2021 чылның пастағы чарым чылында - 11,5 миллион долларға.
Автор :
Хакасия пазының паза Хакасия правительствозының пресс-службазы
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде