ПІСТІ КӦП НИМЕ ПІРІКТІРЧЕ
17.11.2021
Хабарлар
Тоғыс чорығы. Хакасия пазы, Москвада полып, Корея Республиканың паза Италияның Россиядағы илҷілерінең тоғасхан
Хакасия пазы Валентин Коновалов тоғыс чорығы тузында Корея Республиканың илҷізі Ли Сок Пэнең паза Италияның илҷізі Джорджо Стараченең тоғасхан.
Корея Республиканы паза Хакасияны садығ-экономика хайызығлары палғалысгырча. Хакасия Кореязар хара тас, алюминий, фольга паза алюминийдең иділген пасха даа ниме-нооны экспортха ысча.
Италияны паза Хакасияны культура облазындаты кӧп чыл апарылчатхан хайызығлар піріктірче. Таныхтирға кирек, Хакасияның паза Италияның артисттері пір ле хати нимес чоннар аразындағы фестивальларда, хайзылары Италияда даа паза Хакасияда даа ирткеннер, араласханнар.
Пістің пу хазналарнаң тӱзімніг палғалыс тударына кӧп оңдай пар. Кӧзідімге, аал хонии, ас-тамах промышленнозы паза туризм сфераларында. Хакасия экспортха мӧӧт, чей паза тайта ӧзімнерін, орындағы кондитер паза сӱт ас-тамаан ыс полар.
Тӱзімніг оңдайларның пірсі туризм тилізі полча. Корея Республиканың туристтері Хакасиязар удаа килчеткен туристтернің пис санына кірчелер. Килкім туроператорларны араластырып, кӧні авиарейстер тӧстирінҷе кирексініс пар.
- Господин Ли Сок Пэні паза Джорджо Старачені «Сибирь. Притяжение-2022» ікінҷі чоннар аразындағы турист форумында аралазарға хығырғам. Пандемиянаң палғалыстығ хатығластар кирілген сылтаанда чӧптезіглер видео-палғалысча апарылар. Хакасия правительствозы чоннар аразындағы хайызығларны тыыдарын узарадар, садығ-экономика, наука-техника паза культура сфераларында пірге тоғынарын улам тӱзімніг идерге паза стратегия саринаң кирек чуртас-экономика проекттерін чуртасха кирерге кӱстенер, - теен пу тоғазығларның салтарларынҷа Валентин Коновалов.
Автор :
Хакасия пазының паза Хакасия правительствозының пресс-службазы
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде