Хакасия алнындағыларның санында
18.11.2021
Хабарлар
Хакасияда 28 октябрьдаң 7 ноябрьға теере локдаун чарлалған полған. Республика чуртағӌыларының кöбiзi ол кӱннерде кирiлген хатығластарның тузазы сах андох кöрiнер тiп сағынған. Че специалисттер таниинаң, хайдағ-да салтар идер ӱчӱн iкiӌе неделя хайди даа ирт парарға кирек. Сағам локдаунның пастағы кӱнiнең сығара ӱс неделя ирт парды, тоозылғанынаң - 10 кӱн. Паалағ пирерге килiстiре тус читтi тиирге чарир.
Локдаун хайдағ туза ағылғанынаңар сағыс-кöрiзiнең экономист, Россияның чон фронтының Хакасиядағы пöлиинiң устағӌызы полған Евгений Мамаев ӱлесче:
"Россия регионнарында 29 октябрь - 7 ноябрь паза 8 - 17 ноябрь тустарда наа чуғынӌах ағырығны хаптырып алған кiзiлер санын тиңнестiрзе, тиксi хазнада коронавирусха хаптырғаннар саны 3,7%-ке син парғаны таныхталған. Иң кöп Москвада синген - 35,5%-ке. Хакасия, тiзең, ағырығны тохтадар киректе ковидке хаптырғаннарның санын 8,9%-ке тӱзiрiп, алнындағыларның санында пол парған - прай регионнар аразында тöртiнӌiзi!
Хакасияда ағырыға пiр суткада 240 кiзi хаптырып алғаны таныхталӌаң, амды - iкi чӱске чағын. Уғаа чахсы салтар нооза!
Пӱӱнгi кӱнде iдöк COVID-19 ағырығдаң ӱрееннер саны хайығда тудылча. Че аар ағырчатханнарның тузын санға алза (14 кӱн азыра), хайдағ-да салтарлар идерге ам даа ирте. Анзынаңар сала орай арах чоох апарарбыс".
Пу хабарда " Хакасия" ИА-да сыххан искiрiг тузаланылған.
Автор :
Тимнеен Александра Карамчакова
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде