468 кiзi хазыхтанып алған, 186 кiзi ағырыбысхан
20.11.2021
Хабарлар
Хакасияда халғанӌы суткада коронавирустаң 468 кiзi имненiп алған, че наа чуғынӌахнаң хоза 186 кiзi ағырыбысхан (Ағбанда – 60 кiзi, Ағбан пилтiрi аймаанда – 26, Харатаста – 22, Саяногорскта – 19, Асхыс аймаанда – 16, Алтай аймаанда – 13, Абазада – 5, Пии аймаанда – 5, Сорығда паза Таштып, Орджоникидзе, Шира аймахтарында – 4-ер кiзi, Боград аймаанда – 1, iдöк 1 кiзi - Хызылчар крайының чуртағӌызы).
Ағырыбысханнарның санындағы 81 кiзi имӌiлерзер кискек пiлдiрiглерiнең айланғанда, 22 пациент пневмониянаң имненчеткенде, наа чуғынӌах сығысхан. 49 чуртағӌы аны ибде паза 16 кiзi тоғыста хаптырып алған, 12 чуртағӌы – озарых чирлерзер паза пасха регионнарзар чöргенде.
Республикада пу чыл коронавируснаң тиксi 30473 кiзi ағырған.
Халғанӌы суткада ибде 5452 пациент имненче, имнег тураларында - 1306 пациент (15 кiзi ИВЛ аппарат полызиинаң). Имӌiлернiң хайиинда iдöк 4091 кiзi тудылча, олар - коронавируснаң ағырчатханнарнаң пiр чирде полған чуртағӌылар.
Автор :
Тимнеен Инора Боргоякова
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде