ХЫНҒАН САҒЫЗЫМ ТОЛҒАН
24.11.2021
Статья
Иркечектің часказы
Мин уғаа пос хоосхаӌахтаңар сағынғам. Іҷемні хоосха палазын алып аларға ӱр чӧптеем. Пір хати іҷем тоғыстаң таңнастығ килген. Мин аны хоостыра хайхаста чӧргем. Кемде иирде іҷеме сығдыратхан. Ол тасхар парыбысхан, ибзер харачахтығ кір килген. Мин ол харачахта кічиҷек пора тӱк кӧр салғам. Ол хоосха палазы полтыр. Мин уғаа ӧрін парғам. Аны хаап алып, пасха пӧліксер парыбысхам. Хоосхаҷах пастап миннең чочынған, пулуңзар чазыныбысхан. Че киле-киле ол мағаа кӧніккен. Мин аны Лордик адап салғам. Ам ол ӧс парған, мағаа уғаа хынча. Кӱннің сай мині школадаң удурлапча, мині ӧріңдірче.
Лордик хара ӧңніг, аннаңар аны харасхыда кӧр таап аларға сидік. Хоосхам сегір чӧрерге паза аар-пеер чӱгӱрерге хынча. Ол пір орында одырарға хынминча, ойнап ла чӧрче. Лордик чазырхаас таа полза, че уғаа хыйға хоосха. Ол ит чиирге паза сӱт ізерге хынча. Хараазын піс хада узупчабыс, ол мині чылытча.
Іди минің сағызым толған. Миң хоосхама хаҷаң даа паарсирбын паза адайлардаң арачылирбын.
Дарья БУРНАКОВА, Асхыс аал
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде