Кибелістер
01.12.2021
Статья
ЧАСКАЗАР ЧОЛ
Хачан чолларда чуртастың хаңаазы
Кӧрбин сыхча хараада хырығын.
Андағ кӱннерде аастанча пір сағыс,
Кӧрглеп сыхча ол часказын.
- Мына пу ла тағныц тігі саринда
Піске паза хан тигір харалбас.
Пар кил андар.
Чолларныц чӱгӱриинде,
Ырах нимес, хости осхас.
Ӧстеп ала чоллар тағзар сыхчалар,
Хала парчалар соомда пиріктер.
Анац пазох ла учуға халчалар
Тӱбі чох чарых тигірзер.
Хоғдай турған хап-хадыл ізіктерде,
Кӧрглеен, че часканы таппаан пу оол.
Чуртас салғағында, чилеңместерде
Полған ол часка - позы чол!
***
КӰРГЕННІГ ХООС
Тӧреен чир-суубыстың пулиин,
Кӱргенні хоостапча ус хоосчы.
Чӱреенің прай ізиин
Салча ол оосха.
Анда тағлар пар, чазылар,
Обаа кӧк тигірнің хуҷаанда.
Паза халсарығлар
Ӧсче азаанда.
Тура пулиинаң ол кӧрген,
Амды кӧрче пасха кізілерні.
Хулаанаң ол испеен,
Исче сӧстерні.
- Обал Худай! Хайдағ чылығ!
Кӱнге обаалар сусталчалар!
Пу хоос тіріг, тыннығ.
Плесет салчалар.
Че изі чох мағаа. Соох таа.
Кӱрген - ӧбекелерніц мӧгі.
Паза ол - сыыраттар,
Кізілерніц сӧӧгі.
***
ТАПСАЧЫ ХАЙА
Сығып алдым синзер, хайа Тапсачы,
Чолда тыным сығара сегірді.
Мында чӱреемне ам тохлачы,
Сында синнең хада халды.
Полғам тасхыл осхас пирік тағларда,
Анда чирні тутчазыц айаңда.
Че пу хустарның ханаттарын
Киптеп алчазыц мында ла.
Тағ ээзініц чолларында турчадып,
Ӧбекелернең чоохтасхан кізі,
Мағаа чоохта: Хайдар кір парды
Ырах тараан яңыланызың?
- Мында тағлар чайалғанда, тӧреенде,
Тағдац сыххан пір алып Хулатай.
Анаң яңылығ тағныц идеенде
Чайлағ апарған Алахтай.
Кӧрчеңмін мин, хайди сынзар сыхчалар
Кӧпті кӧрген, кӧйее чалғаан улус.
Хайди хатығ хуйахтанчалар,
Хайди мында алчалар кӱс.
Тағдац сыхчабыс, андарох парчабыс,
Тузы читсе, пу чарыхта.
Ноға тағны талап, хасчабыс
Сында пу ээліг ызыхта?
Чирнең хада іди чонның хуйағы
Иніп пастир андар, хайда кӱрген.
Тискен мыннаң Тапсачы яңы,
Андар, хайда алып ӧлбеен...
Чайаан Евгений ТОЛМАЧЁВ
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде