Пландағы имнег айландырылча
17.12.2021
Хабарлар
Халғанӌы суткадағы танығлардаң, республикада коронавируснаң 131 кiзi ағырыбысханы iлезiне сығысхан. Хазыхтанып алғаннарның саны 320 кiзее тиңнелче. Ағырығның тарапчатхан синi - 0,9. Имӌiлер хайиинда 3208 кiзi, олар ағырчатхан кiзiнең палғалыста полғаннар. Ибде наа чуғынӌах ағырығдаң имненчеткеннернiң саны 2810 кiзi. Стационарларда 710 пациент, 11-i - ИВЛ-да. Чыл пасталғаннаң коронавирус диагнозтығ 1445 республика чуртағӌызы ӱреен, ирткен суткада - 15 кiзi.
Оперштабта искiргеннер, республикада ОРВИ- наң ағырчатхан палаларның саны синче, анзы хай пiрее муниципалитеттерде ӱгренӌiлернi ырахтаң ӱгренӌең оңдайға айландырып, ағырыға тарирға пирбееннеңер. Че регионда ОРВИ ағыриинаң эпидемиология кирее ам даа сидiк халча. Улуғлар даа, олғаннар даа кöп ағырча, аннаңар имӌiлернi хығыртчатханы пöзiк синде. Итсе, коронавирус чуғынӌах ағырығнаң ағырчатханнарның саны синче. Хакасияның хазых хайраллаӌаң министрi Олег Ананьевскийнiң таниинаң, имнег тураларынзар чатырылчатханнарның саны, ноябрьдағызынаң тиңнестiрзе, 3,5 хати син парған.
Г.Я.Ремишевскаяның адынаң республиканың имнег туразының хирургия пöлии пландағы имнег полызиин пирерiне айландырылча. Олох туста коронавируснаң ағырчатханнарны имнег туразынзар чатырары тохтадылбас. Имнег туразында оларға 260 орған кöрiл парған.
Килчеткен неделяда Харатастағы пала тапчаң туразынзар пландағы имнег полызии айландырылар. Н.М.Одежкиннiң адынаң харах имнеӌең имнег туразынзар ковиднең ағырчатханнарны чатырарға тохтадардаңар чарадығ алыл парған. Мыннаң мындар пландағы имнег полызии айландырылары республикада санитар- эпидемиология киреенең палғалыстығ.
Автор :
Тимнеен Наталья Тюкпеева
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде