Евгения Гавриловна Кобежикова
Пӱӱл 28 январьда 103 чазын апарчадып, ах чарыхтаң парыбысхан Шира аймааның саблығ чуртағҷызы
Евгения Гавриловна 1921 чылда 7 январьда Шира аймаандағы Улуғ Кобежиков аалда кӧп палалығ сӧбiреде тӧреен. Аның ӱс харындас Никандр, Георгий, Пётр паза Евдокиянаң Мария пиҷелерi полғаннар.
1934 чылда паба-iҷезi хости Хызыл чул аалзар кӧскеннер. Евгенияның аҷалары паза пичелерi орындағы «Хызыл аал» колхозта тоғын сыхханнар.
Евгения олох аалдағы школда пис класс тоос салған. Анаң 1937 чылда 16 частығ хызыҷах колхозта iстенiс чолын пастаан. Илбек Ада чаа тузында, трактористке ӱгренiп алып, тракторнаң тоғын сыххан. Ӱс харындазы, чааға парып, пiрдеезi хазых айланмаан.
Евгения Гавриловна Шира аймаандағы «Тойым» совхозта 1957 чылдаң сығара 1975 чылға теере тракторист полып тоғынған. Анаң тынаға сыххан. Iстенiс чолы 40 чыл азыра полған.
Тоғыста пӧзiк чидiглерге читкен ӱчӱн Евгения Гавриловна 1974 чылда Ленин орденiнең, 1971 чылда Октябрь революциязы, 1950 паза 1966 чылларда Знак Почёта орденнернең паза кӧп медальларнаң сыйыхтатхан.
1964 чылда СССР-ның Ӧӧркi Чӧбiнiң депутадына табылған. 1969 чылда хыраҷылар мариинда «Хакасияның иң чахсы хыраҷызы» ат алған.
Хакасияның Улуғлар Чӧбiнiң президиумы Е.Г.Кобежикованың туған-чағыннарынаң хада чобағны ӱлесче.
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |