ФУТБОЛ МАРИИ ЧОННЫ ЧЫҒАН
27.07.2016
Хабарлар
Пии аймаандағы Киндірліг пилтірі аалда, Совет Союзының Матыры Михаил Иванович Чебодаевті хумартхылап, спорт марии иртті. Михаил Ивановичтің тӧреен кӱні - 10 июльда. 23 июльда, матыр оолның тӧреен кӱнін таныхтап, футболҷа марығ ирткен.
Тиксі читі команда араласхан. Пиидең паза Киндірліг пилтірі аалдаң ікілер команда полған, Чоғархы Киндірліг, Улуғ Нонып, Маткичігдең командалар полған.
Киндірліг пилтірі аалның чииттері, футбол ойнаӌаң ачыхты азынада тимнеп, маң чохха тӱскеннер, аны оттаң арығлааннар. Клуб паза школа тоғынҷылары марығ иртірерінде ӧткін араласханнар. Тренер Игорь Михайлович Чебодаев Михаил Иванович Чебодаевтің чеені полча. Сыйыхха арбузтарны паза кубокты ол позы алған.
Марығ 10.00 иртеннең 16.00 часха теере парған. Чиңіс кубогын Киндірліг пилтірінің командазы утхан. Ооллар ойнапчатхан туста, ікі хазанда ӱгре хайнаан. Идінҷек Галина Ананьевна Сагатаева марығны иртіреріне хой пиртір. Пай стол салылғанда, чонны, спортсменнерні татхыннығ чииснең сыйлааннар.
Автор :
Елена САГАТАЕВА
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде