ПРОЕКТТЕРНІ ЧУРТАСХА КИРЕРГЕ ПОЛЫСЧА
09.11.2016
Хабарлар
Хакасияның Тиліс фонды кӱс паза опыт алынча, регион паза федеральнай синдегі тиліс институттарынаң палғалыстарны тыытча.
Тиліс фондын регион правительствозы тӧстеен. Аның ӧӧн пӧгіннерінің пірсі - Хакас чирінде инвестиция проекттерін тимнирінде паза чуртасха кирерінде аралазары.
- Пістің пірігіс ӱлгӱ органнарын паза бизнестегілерні палғалыстырча. Фондтың бизнеске хабасчаң ӧӧн тиріглерінің пірсі - инвестиция проекттерін «пір кӧзенек» оңдайынңа ӱдес парары. Нимені ол таныхтапча: идінҷектер инвестиция проекттерінең піссер айланза, фонд хабасчаң прай оңдайларны кӧрер. Проектке хоза ахча табарынҷа даа, ол санда хазна полызии оңдайынаң паза банктардаң алымға - пӱӱнгі кӱнде піс банктарнаң палғалыстарны тыытчабыс. Паза піс республикадағы ӱлгӱ органнарынаң чоохтазығ апарарына хабасчабыс, улуғ проект полза, федеральнай ӱлгӱ ортаннарынаң даа. Ідӧк проектті чуртасха киреріне республикада иң килістіре орын таап пирер оңдайлығбыс, чӧптер пирңең паза пасха даа полызығлар пирчебіс, - таныхтапча Тиліс фондының директоры Денис Пауль.
Фондтың тоғызының кӧзідімнерінің пірсі «СолеВит» ООО полча тиирге чарир. Ол пірігіс пос бизнезін, рыноктағы алызығларны санға алып, алыстырыбысхан. Предприятие амды малға тузалығ хуҷур сығарча. Предприятиенің Хакасияда даа, Хызылчар крайының ӱстӱнзархызында даа амғы туста конкуренттер чоғыл.
Хакасияның Тиліс фонды предприятиее бизнес-планны пазарға полыс пирген, хайзы проекттің тӱзімніг паза социальнай сарин кӧзіткен. Тоғынчатхан законодательствоны паза идінӌектернің кӱстерін санға алып, хазна полызиин алҷаң килістіре оңдай таллалған, аны аларына кирек пічіктер тимнелген. Ідӧк Хакасияның аал хонии сурығларынаң айғасчатхан НИИ-зынаң палғалыс тударына хабазығ пирілген.
Таныхтирға кирек, Тиліс фонды инвестиция проекттерін ӱдес парарынӌа прай полызығларын ахча албин тикке пирче.
Автор :
Хакасияның экономика министерствозы
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде