ПОЛЫЗЫҒЛАР ПИРІЛЧЕ
17.02.2017
Хабарлар
Пылтыр ӧкпе ағыриинаң ағырчатханнарға полызыға республика бюджедінең 3,5 млн. салковай хорадылған. Ол ахчаа ас-тамах наборы алылған паза ағырығ кізілерге сыныхтанҷаң орынзар чӧрерге чол ахчазы тӧлелген.
Хакасияда ӧкпе ағыриинаң ағырчатхан кізілерге социальнай полызығ толдыразынаң пирілче. Анзы ағырығ кізілерге имненерге кӱс пирче.
2016 чылда ӧкпе ағырии диспансерінде химиотерапиянаң хазыхтанчатхан 300 кізі полызыға ас-тамахтығ набор алған. 56 кізее ибінең сығара имненчеткен орынзар чӧрген ӱчӱн чол ахчазы айландырылған.
Россияның хазых хайраллаҷаң министерствозы паза Хакасия правительствозы аразында иділген чӧптезігҷе 2016 чылда федеральнай бюджеттең 14 миллион салковай позыдылған.
Пу социальнай полызығлар ӧкпе ағыриинаң ӱрепчеткен кізілернің санын хызырча. Хакасстат таниинаң, 2015 чылнаң тиңнестірзе, пылтыр ӧкпе ағыриинаң ӱреен кізілернің саны 30,6 %-ке хызырылған.
Автор :
Анна ФОКИНА
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде