ИЛБЕК ЧИҢІСКЕ ЧАРЫДЫП
12.05.2017
Хабарлар
Ирткен неделяда Алтай аймаандағы Кӧк хайа аалда «Саяны-Хакасия» команданың хоккеисттері, постары тимненчеткен базада Сабланыс аллеязын тӧстеп, ағас хорбыларын одыртханнар. Акция Илбек Чиңіс кӱніне чарыдылған.
- Пӱӱн піс Сабланыс аллеязын асчабыс, - айланған хоккеисттерзер «Саяны» клубтың директоры Александр Колесников. - Пу аллея пістің ағаларыбыстың махачызының тании полар. Прай сӧбірелерде Илбек Ада чаа ветераннары пар. Полған на кізі чаа хайдағ хорғыстығ полчатханын пілче. Аға-ууӌаларыбыстың махачызын ундутпасха, палаларыбысты чир-суубысха хынарға ӱгредерге кирекпіс.
Стадион ибіре сыбыӌахтарны одыртар орыннар таныхталған. Прай 300-че ағас одырт саларға киректелген. Улуғ нимес инструктаж соонда хоккеисттер стадион ибіре тарасхлап парыбысханнар. «Саяны-Хакасия» команданың хаалха хадағӌызы Владислав Атапин паза полузащитнигі Олег Селиверсткин хада тоғынғаннар.
- Піс, пу акцияда аралазып, чаа араласчыларына алғызыбыс читірчебіс, - чоохтапча Владислав. - Ағамнаң ууӌам чаа тузында кічіг полғаннар. Оларның чооғынаң, палалар, хыраӌа чӧріп, тоолап халған тамахты чіӌеңнер.
Илбек Ада чаа ветераннары піске амыр чуртас сыйлап пиргеннер.
Автор :
Антон ЧЕРТЫКОВ
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде