АЛЫЗЫҒЛАР ПОЛАР
15.08.2017
Хабарлар
Ӱр ниместе Хакасияның хазых хайраллаҷаң министерствозы тоғыс чыылиин иртірген, анда ідӧк республика пазының орынҷызы Ирина Смолина араласхан.
Министерство хазых хайраллирының наа объекттері: Г.Я.Ремишевскаяның адынаң республиканың имнег туразының наа корпузы паза перинатальнай кін, тузаланысха кирілчеткені хоостыра позып парған орыннарда хайдағ объекттер орнығарынаңар чарытхан.
Пу сурығның ӱзӱриинде аралазарына сигіс имнег туразының устағҷызы, халых пірігістерінің, тиксі Россиядағы чон фронтының, имнег тоғынҷыларының профсоюзының, Хакасияның халыхтар палатазының кізілері, республиканың олған правозынҷа уполномоченнайы хығыртылғаннар.
Имнег учреждениелерінің наа пӱдізі хоостыра республиканың перинатальнай кінінің прай пӧліктері пір турада орнығар. Анзы акушер-гинекология полызии пирілчеткенін чахсыландырарға полызар. Ағбандағы пала тапчаң имнег туразының позып парған гинекология пӧлиинзер олған имнег туразының стационар пӧлии паза республиканың имнег туразының олған пӧлии кӧзірілер. Паза аның чардығында тіс имнеҷең поликлиника полар.
Ідӧк алызығлар Хакасияның имнег реабилитация кініне, наркология диспансеріне, Ағбандағы имнег тураларына, республиканың пас ағырығларының имнег туразына теелерлер.
Автор :
Анна ФОКИНА
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде