ХЫНЫС ХАНАЗЫ
04.10.2017
Хабарлар
Ӱр ниместе минің пір нанҷым уғаа хынығ хабарнаң ӱлес пирген. Пірсінде ағаа пасталығ класстарда ӱгренчеткен хызының сотовай телефонында хасхланарға киліс партыр. Анда аның адына килген мындағ СМС-ты хығырып алтыр: «Я тибя лублу». Ол сӧсті орыс тілінең орта пазарға іҷе-пабаа палаларынаң хада Парижсер пар килерге чӧп пирче. Ноға ба?
15 октябрьда 2000 чылда Парижте, саблығ Монмартта ХХІ-ҷі век пасталғанын таңмалап, «Хыныс ханазын» асханнар. Улии 40 квадраттығ метр тигір кӧк ӧңніг ханада ах букваларнаң «Мин сағаа хынчам» сӧстер тилекейдегі аймах 311 тілнең пазыл парғаннар. Ол сӧстер харах кӧрбинчеткеннерге Брайль тӧстеен шрифтнең таңмалал парғанох. Хананы граффити оңдайнаң хоостапчатхан «хоосчылар» чазааннар. «Хыныс ханазы» хысхаҷах тустың аразына Парижтің иң танығлығ орыннарының пірсіне айлан парған.
«Мин сағаа хынчам» сӧстер официально санға алылған тилекейдегі прай даа тіллернең пазыл парған. Анда хакас тілінең пазылған сӧстер пар ба? «Мин сағаа хынчам» сӧстерні Хакасиядаң парған пірее турист, сомға суурып, піске кӧзіт пирген полза, ікі сурыға нандырығ табыларҷых.
Автор :
Евгений ТОЛМАЧЁВ
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде