ОЛҒАННАР КИБІСТЕ ТОҒАСТЫЛАР
18.10.2017
Хабарлар
Асхыста С.З.Карамчаковтың адынаң спорткомплексте олаңай кӱресче РСФСР-ның саблығ тренері А.Н.Аданаковтың сыйиина чарыдылған олаңай кӱресче Асхыс аймааның азых марии ирткен.
Пу турнир пастағызын иртче. Хайди пілчебіс, Анатолий Николаевич Аданаков Сеулда ирткен Олимп ойыннарында хола медаль утхан Сергей Карамчаковтың пастағы тренері полған.
Пӱӱл марығда 2003-2004, 20052006 чылларда тӧреен оолағастар, 2003-2004 чылларда тӧреен хызыҷахтар араласханнар. Хакасияның кӱреснең айғасчатхан городтарынаң, аймахтарынаң, Тува Республикадаң паза Новосибирск облазынаң спортсменнер килгеннер - прай 298 олған, оларның санында 49 хызыҷах.
Марығ хазыр ирткен. Олғаннар ікі кибісте кӱрескеннер. Кӱресчілер кибіске тудығ чох сыхчатханнар, іди полбаза, марығны пір кӱнге тоос полбаадағ. Оӧнінде чарғыҷылар кӱресті ипти апарғаннар, улуғ сайбағ чох. Пірееде ле, пірее кӱресчіні кибіссер хығырзалар, тудығ пол чӧрібісчең. Пала толдыра, олар аттарын испин дее халча поларлар. Олғаннар, ойнап, удур-тӧдір сӱріс чӧрчелер, кибіс тастында кӱрезе халчалар.
Тува кӱресчілері чахсы чидіглерге читкеннер. Оларның кӧбізі пастағы орынны алған. Іди 2005-2006 чылларда тӧреен пістің оолағастарның аразында 24 кг кӧдірімде II орын-да Камзар Косточаков полыбысхан, III орында - Аймир Казагашев паза Илья Боргояков (прайзы Асхыс аймаанаң). 26 кг кӧдірімде II орында чалғыс Владимир Бурнаков турған (Таштып аймаанаң), пасха орыннарда - Тува ооллары. 28 кг кӧдірімде I орында - Уулу Махамадюсуп (Алтай аймаанаң), III орында - Артур Кичеев паза Баел Талипов (ікізі Ағбаннаң). 30 кг кӧдірімде II орында - Максим Майнагашев (Асхыс аймаанаң).
2003-2004 чылларда тӧреен кӱресчілернің саны иң кӧп полған. Олар 10 кӧдірім категорияҷа харбасханнар. 32 кг кӧдірімде II орында - Артур Топоев (Таштып аймаанаң), III орында - Радислав Чучунов, Кирилл Килижеков (Асхыстаң). 35 кг кӧдірімде II орында - Илья Боргояков (Асхыстаң), III орында - Данил Чебодаев (Асхыстаң). 38 кг кӧдірімде III орынға Максим Кызласов турысхан (Асхыс аймаанаң). 42 кг кӧдірімде I орынға Сергей Рыбак (Алтай аймаанаң), II орынға Николай Уксеков (Таштып аймаанаң), III орынға Алексей Мезенцев (Асхыс аймаанаң) турысханнар. 46 кг кӧдірімде I орында - Данил Толмашов, II орында -Эдуард Киргинеков (Асхыс аймаа), III орында - Владимир Асочаков (Ағбан). 50 кг кӧдірімде II орында - Александр Арчимаев (Асхыс аймаанаң), III орында - Руслан Пастаев (Ағбаннаң) паза Сергей Власов (Асхыс аймаанаң). 54 кг кӧдірімде III орында - Денис Чебодаев (Пии аймаанаң) паза Кирилл Боргояков (Ағбаннаң). 58 кг кӧдірімде I орында - Азар Тюдешев, II орында - Кирилл Ахпашев, III орында - Максим Мезенцев (Асхыс аймаанаң), ідӧк III орында - Семён Канзычаков (Ағбаннаң). 63 кг кӧдірімде I орында - Исмаилжан Кадиров, II орында - Иван Прытков, III орында - Кирилл Северин (ӱзінең Ағбаннаң). Ідӧк III орында - Владимир Майнага-шев (Асхыс аймаанаң). 69 кг кӧді-рімде I орынға Даниил Саков (Ағбан) сығып алған, II орынға - Данил Потапов (Асхыс аймаа), III орынға - Павел Шумилин паза Дмитрий Круглов (Ағбан).
Хызыҷахтар 8 кӧдірім категорияҷа кӱстерін сынааннар. 32 кг кӧдірімде II орында - Юлия Позднякова (Таштып аймаа), III орында - Карина Кичеева (Сорығ город). 34 кг кӧдірімде II орында - Оксана Сазанакова (Таштып аймаа), III орында - Юлия Сагалакова (Асхыс аймаа) паза Галина Абрамова (Таштып аймаа). 37 кг кӧдірімде Валерия Карамчакова (Асхыс аймаанаң) I орынға турысхан, II орынға - Анжела Гударева (Таштып аймаанаң), III орынға - Нина Тюмерекова паза Елизавета Шулбаева (Таштып аймаанаң). 40 кг кӧдірімде III орында - Маржо-на Амамбаева (Сорығдаң) паза Ангелина Куюкова (Пии аймаанаң). 44 кг кӧдірімде III орында - Агата Торбостаева (Асхыс аймаа) паза Виктория Чебодаева (Ағбан). 48 кг кӧдірімде I орында - Алина Пахтаева (Ағбан), II орында - Алтынай Топоева (Асхыс аймаа), III орында -Анастасия Аёшина (Сорығ) паза Айзада Суюмбаева (Алтай аймаа). 52 кг кӧдірімде I орында - Дарья Кичекова (Таштып аймаа), II орында -Тарина Бытотова, III орында - Карина Киргинекова (Асхыс аймаа) паза Екатерина Батаева (Таштып аймаа). 57 кг кӧдірімде I орында - Ольга Чертыкова, II орында - Малена Патачакова, III орында Айсіли Асочакова (Асхыс аймаа), Владислава Миролюбова (Сорығ).
Автор :
Михаил ИДИМЕШЕВ
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде