АХЧА ТӦЛИРІН ЧАХСЫЛАНДЫРАРҒА
23.01.2018
Хабарлар
Игорь КУКОЛЕВ, Ирина СМОЛИНА
Хакасияның правительствозында бюджет тоғынҷыларына істеніс ӱчӱн ахча тӧлир сурығларҷа тоғысчы тоғазығ ирткен. Ӱзӱрігде істенісче паза чонға тоғыс табарынҷа федеральнай службаның план итчең, регионнарнаң пірге тоғынҷаң паза сыныхтаҷаң управлениезінің пастығы Игорь Куколев, Хакасия пазы орынҷызының тоғызын толдырчатхан Ирина Смолина, республика правительствозының паза федеральнай структураларның кізілері араласханнар.
Ирина Смолина, чыылығны азып, 2017 чылда Россия президентінің чахығларын толдырып, бюджетниктернің алынҷа категорияларының чал ахчазын кӧстегліг кӧзідімнерге читірерінҷе тоғыс тӱзімніг апарылғанын таныхтаан.
Ідӧк амғы туста 2018 чылның 1 январьынаң МРОТ ӧскірілгені хоостыра паза андар район коэффициенттерін паза алынҷа климаттығ орыннарда тоғынчатханы ӱчӱн проценттіг хоза тӧлеглерні хозарға киректелчеткені сылтаанда хати сананыстар иділген.
Араласчылар региондағы істеніс ӱчӱн толег системазын мыннаң мындар чахсыландырар сурығларны ӱзӱргеннер.
- Ӱзӱрігде ӧткін араласханыңар ӱчӱн алғызым читірчем паза пу тоғысча удур-тӧдір пілізіс табылғанына ӧрінчем, - теен Игорь Куколев.
Тоғазығның салтарларынҷа пу сурығны мыннаң мындар хада ӱзӱрер, аны хоостыра тоғынар ӱчӱн, республиканың толдырығлығ ӱлгу органнары пирген сурығлардаң паза чӧптердең пӱтчеткен пірге пічік тӧстирге чарадығ алылған.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде