КӰМӰС ПАЗА ХОЛА МЕДАЛЬЛАР
30.01.2018
Хабарлар
Бердск городта грек-рим кӱрезінҷе чииттер аразында Сибирьдегі федеральнай округтың первенствозы ирткен. Анда 2001 - 2002 чыллардағы ооллар харбасханнар.
Хакасияның піріктірілген командазына кірчеткен чиит кӱресчі Вячеслав Сагалаков, 48 кг кӧдірімде харбазып, ікінҷі орын алған, ибзер кӱмӱс медальлығ айланған. Ол спорт узына кандидат полча. Марығларға аны тренер В.Г.Чичинин тимнеен.
51 кг кӧдірімде харбазып, грек-рим кӱрезінҷе спорт узына кандидат Денис Чекурин ӱзінҷі орында пол парған. Аның тренері - Р.Д.Мылтыгашев. Александр Брыкун 71 кг кӧдірімде кӱрескен, хола медаль холға кирген. Ол ідӧк спорт узына кандидат. Аны марығларға тренер В.Я.Челтыгмашев тимнеен.
Автор :
"Хабар"
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде