ОЛАРНЫҢ ТОҒЫЗЫ ПААЛАЛЧА
16.02.2018
Хабарлар
Пӱӱл Хакасиядағы имҷілернің чал ахчазы ӧс парар
Андағ чарадығ имнег киреенде істенчеткен улустың узын тилідер паза санын кӧдірер пӧгіннең алылған.
Іди пӱӱл имҷілернің ортымах чал ахчазы региондағы ортымах чал ахчазы синінің 200 %-іне тиңнелер, ортын паза кічіг персоналның - 100 %-іне.
2012 чылдаң сығара республикадағы имҷілернің ортымах чал ахчазы 35 муң салковайдаң 49 муңа ӧс парған полған, ортын персоналның - 19 муң 500 салковайдаң 26 муң салковайға теере. Кічіг персонал, тізең, 9 муң нимес, 18 муң салковай тоғынып ал турған.
Хакасияның хазых хайраллаҷаң министрі Владимир Костюш чал ахчазы хоостыра тӧреміл «азых чоохтазығлар» иртірче.
- Полған на специалисттің чал ахчазы аның квалификациязынаң паза тоғызының сидіксіністерінең палғалыстығ. Ортымах чал ахчазынзар хоза тӧлеглер кірчелер. Андар ідӧк олох имнег туразында хоза алчатхан тоғыстарның тӧлеглері кирілче, - чарытхан министр.
Автор :
Хакасияның хазых хайраллаҷан министерствозы
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде