ТӦРЕЕН ТІЛІБІСТІ ХАЙРАЛЛААЛАР
29.08.2018
Хабарлар
Алғыстас. Хакас тілі кӱнінең алғыстапчабыс.
Хакасияда «Ине тілі» марығ 10 чыл азыра иртіріл парир. Пу марығ олғаннарға пос тіліне кӧнігерге, аннаң чоохтазарға, пос чонының кибірлерін оңарарға, культуразын пілерге, постарын чон алнында иптіг кӧзіт пирерге полысча. Марыға тимненері - ол улуғ тоғыс. Анзы прай ӱгретчілернің иңнілеріне артылча. Халғанҷы чылларда, алыптығ нымахнаң айғазып, олар пурун постары, істезіп, паалап, постарының пілістерін олғаннарға сииртчелер. Марыға тимненіс тузында олар іди алыптарох чіли кибір хоостыра тонанып, кибір хоостыра тудынарға, алыптарның сӧстерін орта чоохтанарға ӱгретчелер. Пу марығ хоостыра олғаннарның ӱгретчілері полызиинҷа пілістері ӧсчеткені, пос тілінең чоохтанчатханнары іле кӧрінче.
Пу улуғ тоғысты апарчатхан ӱчӱн, республикадағы хакас тілі паза литература ӱгретчілерін, ӱгренҷілерні, іҷе-пабаларны, аға-ууҷаларны наа ӱгредіг чылы пасталчатханынаң паза Хакас тілі кӱнінең чылығ алғыстапчабыс. Тілні піди хайраллап, кӱстеніп, чиит улусха читіріп, хада-пірге мыннаң мындар тоғынарына ізенізібісті читірчебіс.
Республиканың прай чуртағҷыларын Хакас тілі ӱлӱкӱнінең алғыстапчабыс!
Автор :
«Ине тілі» чӧрімнің ӧмезі
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде