ТУРИЗМНІ ХАДА-ПІРГЕ ТИЛІДЕРІ
20.11.2019
Хабарлар
Тоғыс чорығы. Хакасияның пазы Валентин Коновалов паза Ӧӧркі Чӧп кнезі Владимир Штыгашев Новосибирскте «Сибирское соглашение» регионнар аразындағы ассоциация чӧбінің тоғызында араласханнар
Ӧӧн сурығларның пірсі «Сибирьде істіндегі паза кірчең туризмні тилідері (2019 - 2025 чыллар)» регионнар аразындағы программаны тимнирінче паза чуртасха кирерінҷе проектті чарадыға алары полған. Хакасияда ол проект октябрь пасталчатханда «Кимдегі Сибирь» регионнар аразындағы турист форумында ӱзӱрілген.
Проект Сибирь регионнарында туризмні тилідеріне паза аның чуртас-экономикадағы тузазын тыыдарына кӧстелче. Ӧӧн сари - конкурент пол полҷаң пірге туризм тӧстиріне килістіре оңдайлар идері. Эксперт-консультация чӧбінің салтарлығ чарадиинҷа регионнар аразындағы турист маршруттары программазынзар «Илбек Сойан-Алтай хурчаа» паза «Новосибирск -Кузбасс - Хакасия - Тыва» чолларны кирердеңер чӧптер чыылған.
«Сибирское соглашение» регионнар аразындағы ассоциацияның (МАСС-тың) толдырығлығ комитеді адрезінзер «Сибирьде істіндегі паза кірҷең туризмні тилідері(2019
- 2025 чыллар)» регионнар аразындағы программазар кірер ӱчӱн тоғынчатхан маршруттардаңар искіріглер хаҷанох ызылған. «Новосибирск - Кузбасс - Хакасия - Тыва» наа чолны сағам кӧзіділген регионнарның чирлерінде тоғынчатхан туроператорлар тимнепчелер.
Проектте араласчатхан регионнарның хоза чӧптері санға алылып, «Илбек Сойан-Алтай хурчаа» турист чолына тӧстенчеткен комплекстіг инвестиция проекті тимнел парарға кирек. Аны инвестиция проекттеріне хабасчаң тоғысчы ӧме чыылиинда, хайзы Россияның финанстар министрі Антон Силуановтың устаанынаң иртер, кӧзідерлер.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде