КАНЗЫЧАКОВ ВАСИЛИЙ МАРКОВИЧ
04.05.2020
Хабарлар
Аның тӧреен чирi: Хакас Автоном облазының Асхыс аймаандағы Индiркi Тӧӧ аал.
Илбек Ада чааға хығыртылған 1942 чылда. Ол пехотаның рядовой солдады полған. Василий Маркович махачы, кӱстiг, туртухпас кiзi полған.
Аның ӱчӱн аны iкi хати таныхтааннар «За отвагу» аарластығ медальларнаң.
Пастағызын.
02.06.1944 чылда «За отвагу» медальны алған.
Архив пiчиинең: «09.05.1944 чылда чаалазығ тузында Канзычаков, ыырҷы ДЗОТ-ынзар кире хонып, iкi гитлеровецтi чох иткен».
Ӏкiнҷiзiн.
19.01.1945 чылда iдӧк «За отвагу» медальға турысхан.
Архив пiчиинең: «Чир-суубыс ӱчӱн чаалазығларда iкi хати палығлатхан:
1. 26 январьда 1944 чылда Керчь алтында атакаа сығып, сол холынаң аар палығлат салған.
2. 21 майда 1944 чылда Севастополь алтындағы чаалазығда, штурмға парчадып, оң холынаң палығлатхан, че чаалазығ орнын тастабаан».
Василий Маркович чааны тоос салған Чехословакияда, анда пiстiңнер хабасханнар орындағы чонға ӱлгӱ тударға.
Ибзер ол айланған 1946 чылда.
Мин поғдархапчам минiң кирi пабамның пабазына!
Пасча Дарья Канзычакова,
Н.Ф.Катановтың адынаң гимназияның 5-ҷi класстың ӱгренҷiзi.
Орджоникидзе аймаа, Майрастар аал
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде