ХЫРАҶЫЛАР МАҢ ЧОХТАНЧАЛАР
13.05.2020
Хабарлар
Аал хонии. Коронавирус ағырығ тарапчатхан полза даа, республиканың аал хонии предприятиелері, таарығ тоғыстарын апарып, маң чохтанчалар
Хакасияда тынағ кӱннері аразына Хакасияның пазы Валентин Коновалов Алтай аймааның аал хонии предприятиелерінде пол килген. Иң пастап ол «Воскресенский» теплица комплексін кӧріп алған. Пылтыр предприятие 331 тоннаҷа ӱгӱрсӱ, 13 тонна помидор паза 360 муң салат ӧскіріп алған. Теплица комплексінің чир тамаа Хакасияның рыноктарында паза садығ тураларында садылча.
«Аршановское» ООО тоңастығлар паза бобовайлар таарыпча. Пылтыр хоных пір гектардаң 56-57 центнер сула, ас, кукуруза паза 40 центнер пуғдай ӧскіріп алған. Пӱӱл предприятие таарығ чирлерінің улиин хозыбызарға паза тоңастығлар сығызын ӧскірібізерге пӧгінче.
Ідӧк Валентин Коновалов Чынай аалдағы «Бирюса» ООО-да пол килген. Аал хонии предприятиезі пуғдай, гречиха, сула, бобовайлар паза хайах итчең ӧзімнерні ӧскірче.
«Бирюса» ООО-ның таарығ чирлерінің улии - 8220 гектар. Предприятие Чынай аал чӧбінің ветераннар чӧбіне ахчанаң паза ӱгредіг учреждениелеріне позы сығарчатхан халаснаң, гречканаң полысча.
Федеральнай паза республика бюджеттерінең пирілчеткен субсидиялар предприятиелерге чахсы хабазығ полча. Пӱӱл Хакасия аал хонии предприятиелерін тилідеріне субсидия аларына кӧстеглернің саны ӧс парған. Республиканың аал хонии министерствозында хабазығлардаңар толдыразынаң піліп аларға чарир.
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде