Харатастағы госпитальда ковид-пациенттернi имнирлер
15.11.2020
Хабарлар
16 ноябрьдаң пасти Харатастағы А.И.Лебедьтiң адынаң хазых пиктеӌең социальнай кiнде CОVID-19 пациенттерге öнетiн госпиталь тоғынып пастир. Ол Россияның арачыланыс министерствозының кӱзiнең тöстелген.
Иң пастап Харатаста мобильнай госпиталь тöстелерi кöрiлген полған, че соонаң ағырчатханнарны зданиеде имнирге чарадығ алылған. Пу туста Харатастағы кiнде Россияның арачыланыс министерствозының öнетiн тöстелген отряд имнег оборудованиелерiн турғысчалар. Ол ИВЛ аппараттар, хан анализтерiн иртiрчеткен паза пасхазы. Iдöк госпитальда анестезиология, реанимация, чуғынӌах ағырығлар, санитар-эпидемиология, ағырчатханнарны алчатхан пöлiктер тöстелче. Хайди чоохтапча Ööн чаа округының имнег службазының ӱр нимеске пастых тоғызын толдырчатхан полковник Дмитрий Перминов, госпитальда ковид-пациенттернi ағырығдаң читiре имнеп турарлар. Анда имненчеткеннер удур-тöдiр чағын полбааннар ӱчӱн, госпиталь "хызыл" паза "арығ" пöлiктерге чарылған, хайзыларында сыбыра дезинфекция иртiрiл турар. Улуғ хайығ салылар имӌiлернiң хазиине.
Таңда чааӌы имӌiлер пастағы пациенттернi имнеп пастирлар.
Автор :
Оксана Сунчугашева
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде