Госпитальда 150 сыныхтағ иртiрiл турар
19.11.2020
Хабарлар
Хакасияда А.И.Лебедьтiң адынаң хазых пиктеҷең кiнде орныхчатхан Ӧӧн чаа округының госпитальындағы мобильнай ПЦР-лабораторияда суткада 150 сыныхтағ иртiрiл турар. Аннаңар искiрче Ӧӧн чаа округының пресс-службазы.
Чаа специалисттерi сыныхтағлар иртiрерiне тирiглернi тимнеп салғаннар паза оларның орта тоғынчатханнарын сыныхтабысханнар. Олар Харатас городтағы имнег туразынаң алылған анализтернi сыныхтааннар.
Мыннаң мындар лабораторияда 100 орыннығ госпитальзар читiре имненерге чатырылғаннарның ПЦР-анализтерi сыныхтал турар. Аннаң пасха лабораторияның Хакасияның хазых хайраллаӌаң министерствозына сыныхтағлар иртiрерiнҷе полысчаң оңдайлар пар.
Чоохтирға кирек, Ӧӧн чаа округының лабораториязын Ағбанзар чаа-транспорт авиациязынаң читiргеннер паза кӧрiлген тусха турғысханнар. Ол КамАЗ-6350 автомобильнiң шассизiнде КК6.2кузов-контейнерде турғызылған.
Ӧӧн чаа округының ПЦР-лабораториязының пастығы Виталий Панурин мобильнай лабораторияны тоғындырарға тимнееннеңер чоохтапча: https://yadi.sk/i/Ve6wS13UMV97Ig
ПЦР-лабораториязының науканың улуғ тоғынҷызы Геннадий Устенко лабораторияның оңдайларынаңар чарытча: https://yadi.sk/i/o3uhelGX-WkM4g.
Автор :
НАТАЛЬЯ Субракова
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде