Колл-кiннiң тоғызы - Хакасия пазының хайиинда
19.11.2020
Хабарлар
*****************************************************************************
Пӱӱн, 19 ноябрьда, Хакасия пазы Валентин Коновалов СОVID-19 пiрге кiн управлениезiнiң тоғызын сыныхтаан. Хакасияӌа ГУ МЧС-тың устағӌызының орынӌызы Роман Стрельников пiрге кiн управлениезiнiң операторларына чуртағӌылар ööнiнде хайдағ сурығларнаң айланчатханнаңар чарыт пирген. Роман Сергеевичтiң таниинаң, специалисттерзер аймах-пасха сурығларнаң ööнiнде Ағбан паза Харатас городтарның чуртағӌылары айланчалар. Аймахтардаң ноға-да пiр дее кiзi сығдыратпинча тiп искiрген ол.
Чоохтирға кирек, СОVID-19 чуғынӌах ағырығӌа пiрге кiн управлениезiнде полған на ағырсымнығ сурығӌа алынӌа пöлiк тоғынча. Кöзiдiмге, ковидке тест иртебiзердеңер сурығнаң кiзiлер ӱзiнӌi пöлiксер айланчалар. 18 ноябрьда, киӌее, андағ сурығнаң 119 чуртағӌы сығдыраттыр.
Валентин Олегович колл-кiннiң тоғызын сыныхтаан соонаң министерство-ведомстволарның устағӌыларынаң тоғысчы чыылығ иртiрген. Хайда-пiрге кiн управлениезiнiң тоғызын чахсыландырарынаңар чоох парған.
*****************************************************************************
Автор :
Ольга Томочакова
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде