117 кiзi чуғынӌах ағырығны хаптырған
17.01.2021
Хабарлар
Хакасия правительствозындағы коронавирустаң тоғыр кӱрезерiнӌе оперативнай штабтың искiриинең, ирткен суткада республикада 117 кiзi наа чуғынӌахнаң ағырыбысханы iлезiне сығарылған ( Ағбанда - 47 кiзi, Харатаста -11, Ағбан пилтiрi аймаанда -10, Саяногорскта - 9, Таштып аймаанда - 8, Абазада - 7, Шира, Орджоникидзе, Асхыс паза Боград аймахтарында - 5-ер, Алтай аймаанда - 3, Сорығда паза Пии аймаанда -1-ер ).
Халғанӌы суткада республикада 100 чуртағӌы COVID-19 чуғынӌах ағырығдаң хазыхтанып алған. Пандемия пасталғаннаң ковидтең озып алғаннарның тиксi саны - 17164.
Имӌiлернiң хайиинда прай 4007 кiзi саналча. 1409 (+36) чуртағӌы ибде имненче, имнег тураларында - 374 (-23). 73 (-2) кiзi тың ағырча, ИВЛ-да - 8 кiзi. Ирткен суткада коронавирустаң тöрт кiзi ӱреен. 17 январьға республикада коронавирус ағырығдаң ӱрееннернiң тиксi саны 327 кiзее чит парған.
Автор :
Тимнеен Альберт Толмашов
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде