Чорых салтарлары – кӧнi эфирде
24.01.2021
Хабарлар
Хакасия пазы Валентин Коновалов социальнай сетьтердегi позының официальнай страницаларында Москвазар тоғыс чорығынаң пӱӱн айланчатханнаңар искiрген. Ол кӱрген айының 25-ҷi кӱнiнде 18.00 часта, пос страницаларында кӧнi палғалысха сығып, чорых салтарларын чарыдарбын паза чуртағҷыларның сурығларына нандырарбын тiп пасча.
Чоохтирға кирек, Валентин Олегович тоғыс чорығына ирткен средада, кӱрген айының 20-ҷi кӱнiнде, сыххан. Москвада Хакасия устағҷызы нинҷе-де федеральнай министерство-ведомствода республиканың чуртас-экономиказының тилiс сурығларынҷа тоғазығлар иртiрерге тимненген. Ӧӧн тоғазығларның пiрсi – Россия правительствозының кнес орынҷызы Марат Хуснуллиннең тоғазығ – кӱрген айының 22-ҷi кӱнiнде ирткен.
Хакасия пазы Ағбан городтың наа микрорайоннарына киректелчеткен чолларны хазна программаларына кирерiнҷе хабас пирерге сурынған. Аннаң пасха Валентин Коновалов Хакасия пастағҷы полчатхан килкiм проекттеңер чоохтап пирген. Ағбан -Бийск чол пӱдiрии Сибирьнiң ӱстӱнзархы чардығында регионнар палғалызын чахсыландырарға кирек. Че проект федеральнай бюджет хабазии чох чуртасха кирiл полбас.
Ағбан - Ах-Тобырах чол, тiзең, республика синiнең федеральнай синге пирiлче. Аның тиксi тыхталары iдӧк Хакасияның паза Тываның чирлерiнде илееде инвестиция проекттерiн чуртасха кирерiне хабазар.
Федеральнай министерство-ведомство кiзiлерiнең пасха, республика пазы iдӧк хазнадағы килкiм садығ тураларының ээлерiнең тоғасхан. Ӏди X5 Retail Group компаниянаң хада Хакасия правительствозы хада-пiрге тоғынарға чӧптес салғаннар. Пӱӱнгi кӱнде республикада пу компанияның 30 садығ туразы тоғынча, хайдар орындағы ниме-ноо сығарчатхан 12 предприятие ас-тамаан читiрче. Чӧптезiг хоостыра орындағы предприятиелернiң ас-тамаан пу садығ туразының тасхахтарынзар сығарарынҷа уламох ӧткiн тоғыс апарылар.
Автор :
Наталья Субракова
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде