Ӱн пирерi – ӧнетiн орында
20.02.2021
Хабарлар
Россияның пӱдiрiг министерствозы паза «Диалог Регионы» АНО городтың истiг оңдайларын тӧстирiнҷе тиксi хазнаның платформазын тоғындырча. Проекттiң пӧгiнi – чуртағҷыларға 2022 чылда иптир орыннар ӱчӱн Ӱн пирiзiн нииктирi.
Пӱӱл 26 апрельдең 30 майға теере прай регионнарда орыннар ӱчӱн ӱн пирiс иртер. 14 час толдыр салған чуртағҷыларға «Хазна полызығлары» алай социальнай сетьтер полызиинаң санға алылған соонаң, нааҷылағ киректепчеткен орыннарны таллирға чарир.
Хакасия iдӧк пу оңдайны республикада тоғындырарға тимненче. Ӱн пирiсте араласчатхан полған на муниципалитеттiң кураторлары паза «iзiг линиялар» тимделер. Узах частығларға, тiзең, ӱн пирерге волонтерлар полызар.
– Чон чӧрчеткен орыннарны мыннаң мындар тилiдер ӱчӱн, пiске чуртағҷыларның сағызын пiлерге кирек. Пу тоғыстар иң пастағызын оларға толдырылча нооза. Аннаң пасха, платформа архив оңдайлығ полар, анда чуртасха кирiлген паза иптирге тимнелчеткен проекттер чыылар, – таныхтапча Хакасияның пӱдiрiг паза ЖКХ министрi Валерий Келин.
Автор :
Ярослава Фисунова
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде