Пис кiзi хазыхтанып алды
28.02.2021
Хабарлар
Пӱӱнгi кӱнде имӌiлернiң полызиинаң наа чуғынӌах ағырығдаң пис чуртағӌы чазылып алды. Тиксi хазыхтанып алғаннарның саны 20114 кiзее чит парған.
Халғанӌы суткада Хакасияда коронавирус чуғынӌах ағырығны 19 кiзi хаптырып алған (Ағбан паза Харатас городтарда - 4 кiзi, Саяногорскта - 6, Ағбан пилтiрi аймаанда - 2, Алтай, Асхыс, Пии аймахтарында - пiрер чуртағӌы): 12 кiзi ОРВИ-наң имӌiлерзер айланған; 4 чуртағӌының чуғынӌах ағырығ внебольничнай пневмониянаң имненчеткенде сығысхан; 3 кiзi сöбiреде ағырығны хаптырып алған.
Пандемия пасталғанынаң СОVID-19 тиксi 21 291чуртағӌы ағырыбысхан. Пӱӱнгi кӱнде ағырыбысханнарның палғалыс тутхан чуртағӌыларның саны 3777(+9) кiзее тиңнелче. Амды олар прайзы имӌiлернiң хайиинда. Ковидтең ибде 567 пациент имненче, имнег туразында - 157(+10). 33 чуртағӌы тың ағырча, оларның пизi - ИВЛ-да.
Тöрт чуртағӌы наа чуғынӌах ағырығдаң чазыл полбин ӱреп парған. Ах чарыхтаң парыбысхан iкi ирен (67 паза 70 частығ) паза 80, 85 частығ iкi ипчi. 28 февральға Хакас Републиказында COVID-19 ағырығдаң прай 450 кiзi тоозыл парған.
Автор :
Тимнеен Ольга Томочакова
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде