МАЛ ӦСКІРЧЕТКЕННЕРГЕ ХАБАЗЫҒ ХОЗЫЛАР
16.11.2016
Хабарлар
Россияда 2017 чылда наа ла тоғынып пастапчатхан фермерлерге, хайзылары мал ӧскірерге сағынча, 3 миллион салковайға теере гранттар пирерлер. Андағ пӧгіннерні искіргеннер Россияның аал хонии министерствозында.
- Пӱӱн мал ӧскірері аал хонии тилізінде ӧӧн кӧстеглернің пірсі полча, - таныхтаан Россияның аал хонии министрі Александр Ткачев. Аның танығларынаң, кічіг хоныхтар хазнадағы ниме-ноо сығарызының 40% толдырчалар. "Аннаңар министерствода наа ла тоғынып пастапчатхан фермерлерге гранттар синін 1,5 миллионнаң 3 миллион салковайға теере ӧскірібізерге чарадылған", - теен Хакасияның аал хонии паза ас-тамах министрі Игорь Гердт.
Ідӧк мал ӧскірӌең сӧбіренің фермаларына хабазығ ідӧк ӧскірілер - 30 миллион салковайға теере. Аннаң пасха, федеральнай министерство ферма хоныхтарына 3 миллион салковайға теере кредиттерні аларын нииктедерге сағынча.
Олох туста гранттарнаң тузаланчатханын сыныхтиры хатығлалар. Улуғ хайығ салылар ферма хоныхтарында наа тоғыс орыннарын тӧстиріне, сынында нинҷе тоғыс орны парын сыныхтирлар.
Ідӧк Россияның аал хонии министерствозында пос хониинаң айғасчатханнарға нинӌе дее мал тударға чарадыларын, че ветеринар сыныхтағлары тыыдыларын искіргеннер. Пасха пӧгіннер аразында - чарадығларны алыстырары, фермерлерге аал хонии чирлерін пирерін нииктирі, мелиорация сурығларын паза аал хонии кооперацияларын тилідері.
Автор :
Хакасияның аал хонии паза ас-тамах министерствозы
Пн | Вт | Ср | Чт | Пт | Сб | Вс |
26 | 27 | 28 | 29 | 30 | 31 | 1 |
2 | 3 | 4 | 5 | 6 | 7 | 8 |
9 | 10 | 11 | 12 | 13 | 14 | 15 |
16 | 17 | 18 | 19 | 20 | 21 | 22 |
23 | 24 | 25 | 26 | 27 | 28 | 29 |
30 | 1 | 2 | 3 | 4 | 5 | 6 |
Кӱн таңмазы