ПОЛЫЗЫҒ УЗАРАДЫЛЧА
15.08.2017
Хабарлар
Хакасияның экономика тиліс министерствозы республиканың кічіг паза ыраххы аалларында пӱӱл пастағы чарым чыл аразына хайдағ тоғыстар иділ парғаннаңар сан пирісті тимнебіскен.
«Хакас Республиканың кічіг паза ыраххы аалларын хайраллиры паза тилідері» хазна программазы хоостыра пирілчеткен хабазығдаң пасха аалларға ідӧк министерстволар паза ведомстволар пос кӱзінең паза ахчанаң полысчалар.
- Шеф полызии хоостыра аймах-пасха тоғыстар апарылчалар: мал ӱчӱн субсидия аларына пічіктерні тимнирінде, олған паза спорт площадкаларын нааҷылирынҷа паза оборудование аларынҷа тоғыстар. Ағаа хоза, библиотекаларға книгалар пирілчелер, аал чуртағҷыларына мастер класстар, марығлар, чайаачы иирлер, олғаннарға ӱгредігліг экскурсиялар иртірілчелер, - искірче Хакасияның экономика тиліс министерствозыныц пӧлік пастығы Анна Кириллова.
Хакасияның министерстволары паза ведомстволары пос кӱзінең алай спонсорлар полызиинаң орамаларны иптепчелер, автобус тохтаҷаң орыннарны тыхтапчалар, чол таңмаларын нааҷылирынҷа тоғыстар апарчалар. Чыл сай кічіг паза ыраххы аалларда субботниктер иртірілче, ағастар одыртылча паза сыыраттар сиденнелче.
Хай пірее аалларда, имнег полызиин пирер ӱчӱн, харах паза тіс имҷілерінің кӧс чӧрчеткен бригадазы пол килче.
Прай пу мероприятиелер кічіг паза ыраххы ааллар чуртағҷыларының чуртас синін чахсы-ландырар ӱчӱн иртірілчелер.
Автор :
Хакасияның экономика тиліс министерствозы
Пн | Вт | Ср | Чт | Пт | Сб | Вс |
26 | 27 | 28 | 29 | 30 | 31 | 1 |
2 | 3 | 4 | 5 | 6 | 7 | 8 |
9 | 10 | 11 | 12 | 13 | 14 | 15 |
16 | 17 | 18 | 19 | 20 | 21 | 22 |
23 | 24 | 25 | 26 | 27 | 28 | 29 |
30 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде