МАҢНАНЫСТЫҒ ТОҒЫНЧА
22.08.2017
Хабарлар
Хара тас аныпчатхан «Степной» разрез тоғынып пастааннаң 55 миллион тонна хара тас анып салған. «Русский уголь» компаниялар ӧмезіне кірчеткен предприятиеде алты айға 6,8 миллион тонна хара тас анылған. Ол планнаң 881 муң тоннаа асча паза 2016 чылның кӧзідіглерінең 11 %-ке кӧп.
2017 чылда «Русский уголь» компаниялар ӧмезіне кірчеткен предприятиелернің техника паркы нааҷылалған. Андар наа бульдозерлер, автогрейдерлер паза автобустар алылған. 2016 чылда
- Хакасияның паза Хызылчар крайының хара тас аныпчатхан разрезтерінде наа гидравлическай экскаваторлар паза БелАЗ автосамосваллар. Техника нааҷылалғанда, хара тас кӧп арах аныл сыххан. Компания чылда 5 миллионға теере хара тас анирға пӧгінче. Тилекей рыногында хара тасха кирексініс ӧсчеткенін санға алып, компания Хакасияда хара тасты пайытчатхан фабриканы нааҷылирын узарадарға пӧгінче.
- Хара тас аныпчатхан промышленность табырах тиліпчеткенін кӧрчебіс. Анзына чахсы экономика оңдайлары, хара тасха пай чир, пӧзік квалификациялығ тоғынҷылар теелчелер. Хара тас кӧп анылчатханы наа тоғыс орыннарын тӧстирге оңдай пирче, бюджетсер уламох кӧп ахча кірер, чуртассар социальнай проекттер кирілер, - таныхтаан Хакасияның экономика тилізі министерствозының пӧлік устағҷызы Евгения Туранова.
Автор :
Елизавета ГОНЧАРОВА
Пн | Вт | Ср | Чт | Пт | Сб | Вс |
26 | 27 | 28 | 29 | 30 | 31 | 1 |
2 | 3 | 4 | 5 | 6 | 7 | 8 |
9 | 10 | 11 | 12 | 13 | 14 | 15 |
16 | 17 | 18 | 19 | 20 | 21 | 22 |
23 | 24 | 25 | 26 | 27 | 28 | 29 |
30 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде