Наа чидiглерге чол азылча
19.02.2021
Хабарлар
Пу кӱннерде Харатастағы 19№ школада тир залы пайрамни азылған. Мероприятиее городтың ӱгредiг управлениезiнiң пастығы Евгения Чернышева, Харатастағы паза Боград аймахтағы чааҷылар комиссары Сергей Спиридонов паза тирнiң пӱдiриинде араласхан улуғ аалҷылар килгеннер.
Хайди таныхталған, мероприятиеде школаның наа тирi республиканың паза Харатастағы чааҷылар комиссариаттарынаң полызиинаң тимнелген. Тир школаның подвалындағы тренажер залында орныхча. Тир школада спорт тилiзiне улуғ хозым итче паза ӱгренҷiлернi чаа киреене ӱгретче. Школа директоры Светлана Светованың чооғынаң, мында тир хаҷан даа полған. Мының алнында тренажерлар чох полған, подвалда тир залы орныххан. Ӱс чыл мының алнында школазар ОБЖ предмедiнҷе наа ӱгретчi килген, аның кӱстенiзiнең наа тир тимнелген. Светлана Александровна чооғын тоозып, тирнi пӱдiрерiнде араласхан кiзiлерге школа öмезiнең адынаң алғыстас пiчiктерiн читiрген.
Сергей Спиридоновтың таниинаң, амды олғаннар пневматическай мылтыхтаң атар узын таптирлар. Ӧӧнi - аннаң орта тузаланары, хорғыс чох техниканаң танызып алары. Чооғын тоозып, Сергей Владимирович олғаннарға марығларда чиңiс тударға алғаан. Аннаң пасха, ол школаа iкi пневматическай мылтых сыйлап пирген. Мероприятиенiң халғанҷызынзар наа пневматическай мылтыхтардаң пастағы атыстар идерге Сергей Спиридоновха паза юнармеец Анастасия Световаа пирiлген.
Автор :
Антон Чертыков
Пн | Вт | Ср | Чт | Пт | Сб | Вс |
29 | 30 | 31 | 1 | 2 | 3 | 4 |
5 | 6 | 7 | 8 | 9 | 10 | 11 |
12 | 13 | 14 | 15 | 16 | 17 | 18 |
19 | 20 | 21 | 22 | 23 | 24 | 25 |
26 | 27 | 28 | 29 | 30 | 1 | 2 |
Кӱн таңмазы
Хакасияда
Россияда
Тилекейде