29 кiзi имненiп алған
08.05.2021
Хабарлар
Хакасияда "короновирус" диагностығ 29 кiзi имненiп алған. Пӱӱнгi кӱнге хазыхтанып алғаннарның саны 4598 кiзее тиңнелче (01.01.2021 чылдаң сығара).
Халғанӌы сутка аразына республикада 20 кiзiнiң ковид сығысхан (Ағбанда-8, Харатаста, Алтай аймаанда - тöртер, Саяногорскта - ӱс, Ағбан-пилтiрi аймаанда - пiр:
- 11 чуртағӌы, кискектең ағырыбызып, имнег туразынзар айланған;
- пiр чуртағӌының наа чуғынӌах ағырығ внебольничнай пневмониядаң имненчеткенде, табылған;
- алты кiзi сöбiреде ағырығны хаптырып алған;
- пiр чуртағӌы пос алынӌа сыныхтағ ирткен соонда короновуруснаң ағырчатханнаңар пiлiп алған;
- пiр кiзi Хызылчар крайында пол килген соонда ағырыбысхан.
Чыл пасталғаннаң Хакасияда тиксi 4960 на чуғынӌах ағырығны хаптырып алған. Ағырығның чон аразында тарапчатхан коофициентi тöрт кӱн аразына 1 кöзiдiмге тиңнелче, читi кӱн аразына iдöк 1 кöзiдiмге читче. Пӱӱнгi кӱнге имӌiлернiң хайиинда 1525 (-89) кiзi. Олар прайзы ағырығны хаптырып алған чуртағӌыларнаң палғалыста полғаннар. Амбулаторнай имнегнi 69 кiзi иртче. Имнег туразында - 126 (+10) чир-суғӌыбыс, оларның 6-зы - ИВЛ-да.
Автор :
Оксана Челтыгмашева
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде