Хакасия Чиңiс кӱнiн таныхтапча
09.05.2021
Хабарлар
Хакасияда Илбек Ада чаадағы Чиңiстiң 76-ӌы чылына чарыдылған пайрамнар иртче. Ағбанда ӱлӱкӱн мероприятиелерi пайрамнығ маршнаң паза митингнең пасталғаннар. Коронавирус чуғынӌах ағырығ тарапчатханы öс сыххан сылтаанда, ӱлӱкӱн иртчеткен орыннарзар кöп чон кирбеске чарадығ алылған.
Хакасияның пазы Валентин Коновалов фронтовиктернi, тыл iстенӌiлерiн, концлагерьлерде полғаннарны, чаа палаларын паза республиканың прай чуртағӌыларын ӱлӱкӱннең алғыстаан.
- Чаа öртi полған на сöбiрее теңен, че пiстiң öбекелер махачызын паза матырын кöзiткеннер. Пiрге тудыныста олар нацизмнi чиңiп алғаннар паза Чир-суубысты арачылап алғаннар. Совет чонының матыры сылтаанда пiс амыр чуртапчабыс паза Ада чир-суубысха туза ағылып iстенчебiс. Пiстiң алымыбыс - пу амыр чуртасты, пiстiң чирнi хайраллирға, пiстiң палаларыбыс паза соондағы тöллер чааның хорғыстарын пiлбес ӱчӱн, - таныхтаан регион устағӌызы позының алғыстастығ чооғында.
Автор :
Тимнеен Альберт Толмашов
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде