5 кізі хазыхтанып алған, 54 - ағырыбысхан
14.06.2021
Хабарлар
Андағ саннарны пирче Хакасия правительствозындағы коронавирусты республиказар кирдірбезінӌе паза тараттырбазынӌа оперативнай штаб. Пӱӱл пу ағырығдаң чазыл парғаннар саны 5 474 кізее читті.
Наа ағырыбысхан 54 кізінің 29-зы Ағбанда чуртапча, 8-зі - Саяногорскта, 6-зы - Ағбан пилтірі аймаанда, 2-ер кізі Асхыс паза Алтай аймахтарынаң, 1-ер - Боград паза Шира аймахтарынаң. Ағырығны кискектебіскен 18 кізіде тапханнар, пневмонияа сыныхтанған - 10 кізіде, сöбіреде 14 кізі чухтыртыр, тоғыста - 3. Тоғыста план хоостыра сыныхтанғанда 3 кізідең табылған, ікі кізі пасха регионнаң (Москва городтаң паза Забайкальскай крайдаң) ағырығ айланған. 2021 чыл пасталғаннаң Хакасияда 6095 кізі COVID-19 ағырығны хаптырып алған. Тöрт кӱнге ағырығның тарапчатхан сині 1,3 санға тиңнелче, 7 кӱнге - 1,5.
Ағырыбысханнарнаң хада палғалысхан 1750 кізі имӌілер хайиинда. Ибде 213 кізі имненче, стационарда - 212, оларның 8-зі ИВЛ полызиинаң тузаланча.
Автор :
Тимнеен Наталья Субракова
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде