Экзитпол сананыстарынӌа Хакасиядағы пiр мандаттығ округча Валерий Старостин алнында парча
19.09.2021
Хабарлар
Хайди искiрче РТС телекомпания, региондағы халых чонның сағыс-кöрiзiн iстесчең кiннiң сананыстарына тöстенiп, Хазна Думазы депутаттарына табығларда Хакасияда КПРФ кандидады Валерий Старостин алнында парча. Табығ участоктарынаң сыхчатханнарны сурастырғаны хоостыра 19 сентябрьның 20:00 чазына аның ӱчӱн 37,2% табығӌы ӱн пиртiр. Аның соонда "Единая Россия" кандидады парча - 31,4%.
- Пу сидiк кампания полған, - табығларға паалағ пирген Хакасияның пазы Валентин Коновалов соцсетьтерде.
- Чоннаң тоғыр политика апарчатханнарға кiрлiг оңдайлар полыспады. Оларның тузы айланмин иртче.
Хакасияның табығ участоктарының iзiктерi 20:00 часта чабыл парған. 18:00 часха республикада табығӌыларның 34,82%-i ӱн пирген. Амғы туста табығ участоктарында бюллетеньнернi санирынӌа тоғыс апарылча.
Автор :
Тимнеен Альберт Толмашов
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде